HƏTƏMXANA

Təzə roman yazmağa başlamışam.
"HƏTƏMXANA" adlı absurd bir nağıl.
Gülməmək qadağandır, sevməmək də olmaz.
Mənə yazmaq, sizlərə oxumaq qalsın.
Gözəl.

"Ədəbiyyatı sevmədən rejissor olmaq olmaz" - Öner Kılıç

“Bu günlərdə ölkəmizin kino sahəsində çalışan bir adamla az qala mübahisə edirdim ki, ən yaxşı filmlər və ən uğurlu seriallar geniş oxucu kütləsi tərəfindən sevilərək oxunmuş romanların əsasında çəkilənlər olur. Sözlərimə qüvvət olaraq da məşhur əsərlər əsasında çəkilmiş və yüksək reytinq qazanmış film və serialları misal çəkdim. Adamın mənimlə razılaşmaqdan başqa çarəsi qalmadı. Və mən də elə həmin gün mətbuatdan oxudum ki, Umberto Ekonun "Gülün adı" romanı  serial olacaq. Serial Almaniya və İtaliyanın birgə əməyi ilə ərsəyə gələcək.

Şişupalanın təhqir limiti

Əgər başladığın işdə uğur qazanmaq istəyirsənsə, həmin işinin ən azı üç adama faydasını düşün və bunun üçün çalış.
Co Vitale.

Hind mifologiyasında bir Şişupalaobrazı var. Özünün və sözünün yerini, dəyərini, bir də bu dünyada “limit”deyilən bir nəsnənin olduğunu anlayıb bilməyən axmaq bir obrazdır. Bəxtinədüşən şahzadə həyat tərzinin ona verdiyi yekəxanalıqla yetənə yetən, yetməyənədaş atan, böyük-kiçik, qadın-kişi, allah-bəndə fərqi demədən hamını təhqiretməyə öyrəşmiş Şişupalanın anası onun üçün narahat olduğuna görə, bir gün Tanrıya yalvarıb, oğlunun ona ünvanlanacaq təhqirlərini görməzdən gəlməsini təvəqqe edir. 

O gözlərin bənövşəyi işığı...

İki gündür Arturun gözlərinə baxıram.

Yorulanda başqa gözlərə baxmağa çalışıram. Emili Dikinsonun, Puşkinin, Bulqakovun, Anna Axmatovanın...

Sonra aynada öz gözlərimə baxmağa cəhd edirəm...görmürəm.

Artur gözlərimə hopub sanki.

Arturun gözlərinə hopangözlərin bönövşəyi işığı kimidir aynam. Özümü mənə göstərmir...

Oraq, araq, varaq...

Su üstündə yerimək. 4-cü yazı

Yaradıcı adam öz qabında olmayanda dağıdıcı olmağa məhkumdur - ya özünü, ya da çevrəsini.

Bu sözləri bu günlərdə bir rəfiqəmə demişdim. Şeir yazan, amma bunu bütün doğmalarından israrla gizlətməyə məcbur olan, gizlətməsə, ailəsini və doğmalarının hörmətini itirəcəyindən qorxan dərya ruhlu bir qadına. Mən ona bircə məsləhət verdim: Gizlətməyə davam et...

"Klon", klounada və ədəbiyyat

Su üstündə yerimək. 3-cü yazı

Alınmayan klonlardan klounada düzəlir yəqin, alimi-bidəftərlər bilərlər.

Mənsə keçən yazının davamını söz vermişdim və bütün fikrimi bu yazıya cəmləməliyəm deyə klonları və klounları bir kənarda rahat buraxsam yaxşıdır.

"Klon"dan yazım öncə. "Klon" serialından.

Şəhrizad və sabun köpüyü

Su üstündə yerimək. 2-ci yazı

Şəhrizadı hamımız tanıyırıq. O, "Min bir gecə"nin qəhrəmanı və Şərqin xəyali də olsa, ilk qadın müəllifidir. Bu qadın öz sevimli hərəminin xəyanətindən sonra hər gün bir qızla evlənib, hər gecə o qızı öldürən psixi travma almış Şəhriyar adlı hökmdarın növbəti potensial qurbanıdır. Lakin ölüm qorxusu Şəhrizadın iti və kübar ağlı ilə birləşəndə qadın həm özünün, həm də özündən sonrakı bütün potensial qurban olacaq qadınların xilaskarına çevrilmiş olur. 

Eşq və mən

Su üstündə yerimək . 1-ci yazı.

"Sevmək, aşiq olmaq - qəflətən, birdən-birə, gözləmədiyin halda öz ruhuna rast gəlmək və həyatının əsl dadını hiss etmək məqamıdır.

Bu, çox təhlükəli məqamdır, biləsən!

Əfv

Sən də mənə daş atmısan,
sən də!
Bax,
barmaqların hələ də ağrıyır,
əllərin bulaşıq, qara,
gözlərinin hər giləsində
bir damla qan şəkli donub.

6.10...

Bu gün...
YER adlı
cəza və ölüm düşərgəsinə
sürgün olunduğum günün
daha bir ili
tamam olur...
Məhbus yoldaşlarım
təbrik edəcəklər məni
-Neçə illər yaşayasan, -deyə...

Əllərimiz səmada

Bir səhranın
iki azmış dərvişi -
mən qadın,
sən kişi.

Gözlərimizdə
ilğım rəqs edir hərdən -
mənim üçün sən,
sənin üçün mən.

Körpüdə iki yazar

-          Sizcə yazmaq üçün nə lazımdır? Necə yaza bilərəm?

-         Məncə yazmaq üçün sadəcə noutbuku və ya dəftəri açıb yazmağa başlamaq lazımdır. Düşünmədən vəgötür-qoy etmədən. Bu cür yaza bilməyən adam başqa heç cür də yaza bilməyəcəkdeyə əminəm.

Cin səsi

Həqiqət mütləqdir, birdir və hamı üçündür.

Lakin hər kəsin də özünün olan bir həqiqəti mütləq var.

Bəzən hər kəsin həqiqətinə baxmalı olursan ki, hamının həqiqətini görə biləsən.

Bizim hekayəmizdə olduğu kimi.

Yazar və altı düşmən

Salam, dostlar!

Yazarlıqdan və yazarlığın altı düşmənindən danışacağıq bu gün.

Yazarlığın üstündən baxmağa çalışmaqdan başlayaq.

Bir də sağ əllərimizi sol çiynimizdən bir qarışaşağı sıxıb ürəyimizə and içək ki, həqiqəti deyəcəyik və həqiqətdən başqa birşey deməyəcəyik.

Ölkə, bölgə, kölgə, “bəlkə”

Ölkədə yaydır və ədəbiyyatın adi günlərindən biridir.

Bölgədə üç yazar görüşür.

Kölgədə olacaq bir yer axtarırlar ki, oturub söhbət etsinlər.

-         Bəlkə də AYBbölməsində görüşməliydik...

Verlibr

Pəncərəm dənizə baxır,

Səhər açılan kimi

Qara-qara qanadlar döyəcləyir şüşəni,

Qaranquşlar çağırır:

-          Oyan!

-         Oyan!

Mən səni niyə sevirəm?

Sualım sənədir, əziz oxucu.

Elə sənə verdiyim sualın cavabını da sənə yazıram.

Çünki... biz səninlə bu dəqiqələrdəbelə eyni dalğadayıq və eyni körpünün üzərindən keçirik.

*** 

Görüş yeri – Ədəbiyyat

Su axıb çuxurunu tapan kimi biz – başı Ədəbiyyat havalı adamlar da bir-birimizi tapmağı çox gözəl bacarırıq. İstər oxucu olaq, istər yazıçı, ruhlarımızın, varlığımızın nüvəsi olan bircə atomluq boyda, bircə adamlıq mahiyyətimizin can atdığı bənzərliyi görən kimi tanıyırıq. Real həyatda da, virtual aləmdə də hər birimiz bu halı dəfələrlə yaşamışıq.