Sənsə elə ağla ki...

Mənsə elə bilirdim
Sən həmişə pianoda çalacaqsan,
Mən həmişə saçlarımı hörəcəm.
Sən həmişə...
Sən həmişə...

... yanımda olacaqsan.

Yazı anı

Və elə bir vaxt gəlir ki, bədii mətndən başqa heç nə yazmaq istəmirsən artıq. Eynilə ilk dəfə yazmağa başladığın zamanlardakı kimi. Nə başqa yazanlar yadına düşür, nə yazdıqlarını oxuyacaq adamları düşünürsən, nə də qonorar, reklam, satış, şöhrət, hörmət və s. Sadəcə yaratmaqda olduğun dünyanın içinə qərq olub zamandan, məkandan, insandan kənar bir hal alırsan. Nirvana? Bəlkə də. Vaxt yoxdur. Yer yoxdur. Heç kim yoxdur. Bitməz-tükənməz bir AN var. Yazı anı.

Ədəbiyyat agentim olsa

Ədəbiyyat agenti və ya ədəbi agent - yazıçı ilə nəşriyyat arasındakı vasitəçidir.
O, kitab bazarından baş çıxaran, nəşriyyatların iş keyfiyyətini tanıyan, müasir yerli və dünya ədəbiyyat zövqünün və dəbinin incəliklərini öyrənən şəxsdir.

Ədəbi agent kitab biznesinin döyünən ürəyidir, desək, yanılmarıq.

Yuxumdakı o adam

Azərbaycan Yazıçılar Birliyinə sənədlərimi apardığım ilk gündə qarşılaşdığım ilk adamı təsvir etmək istəyirəm. Zatən o adam obraz olaraq yaddaşıma elə həkk olundu ki, indi fürsətkən, barəsində yazmasam, nə zamansa hansısa bədii mətnimin içərisində mütləq qəfil qarşıma çıxacaq. Elə AYB-də üzbəüz gəlib az qala toqquşduğumuz kimi.

Və mən görəcəyəm ki...

Nağıl

Biri vardı,

Biri yoxdu,

Bir qapıydı, bir yuxuydu, bir də sən,

Gəlirdinmi, gedirdinmi, bilmədim.

Bir nağıldı,

Bir şeirdi,

Bir dünyaydı, göydə Tanrı, yerdə Sən.

Bilirdinmi, sevirdinmi…bilmədim.

Sevgili üçün zaman

İndi tez-tez dinlədiyim rok musiqisi kimi keçdi həyat.

Eləcə yanımdan keçdi yəqin ki.

Məni tanımadan, məni sevməyə macal tapmadan, məni dəyərləndirməyə gücü olmadan keçdi bəlkə də.

Haylı-küylü bir romantika– tam bir türk roku.

Kabinədə zəng gözləyən yazarlar

Keçən həftə noutbukum birdən-birə gözümün qabağındaca xarab oldu və mənim bütün yazarlıq fəaliyyətim bircə anın içərisində iflic vəziyyətinə düşdü. On gün, düz on gün ərzində nə internetdən yüklədiyim kitabları oxuya bildim, nə bloquma baxmaq imkanım oldu, nə də qəzetə yazı göndərdim. Telefonla sosial şəbəkəni izləməkdən başqa nəsə bacarmadım və yazı yazmaq imkanım olmadığı üçün sosial şəbəkədəki aktivliyim də sıfıra endi. Yəni noutbukumla bərabər mən özüm də sönüb susdum.